Mkulima mmoja ameambia mahakama kwamba alidhani alikuwa ameshinda dau la Lotto bet baada ya kupokea KES 402,000 kutoka kwa benki ya Cooperative hadi simu yake ya rununu. Jared Atambo ambaye anashtakiwa kwa kuiba kiasi hicho kutoka kwa benki hiyo anadaiwa kutenda kosa hilo kati ya Mei 27 na Julai 2022 katika eneo lisilojulikana. Alimweleza hakimu mkuu Wendy Micheni kuwa alidhani alishinda Lotto bet, Tatua tatu au Shabiki alipopokea pesa hizo kwa vile amekuwa akishiriki michezo hiyo.
Kwa mujibu wa upande wa mashtaka mmiliki wa akaunti hiyo, Henry Thuita anayeishi Marekani aliitahadharisha benki hiyo kuwa kulikuwa na udanganyifu wa miamala ya simu kwenye akaunti yake ya benki aliporejea nchini Julai mwaka huu. Uchunguzi ulibaini kuwa nambari hiyo ya simu iliacha kutumika wakati mmiliki wa akaunti alipopata malisho ya kijani kibichi Marekani na kuacha Safaricom bila chaguo ila kumpa tena Jared Atambo nambari hiyo ya simu. Inadaiwa mshitakiwa huyo alipata akaunti ya benki kwa kupiga *667# kupitia namba hiyo na kutoa kiasi hicho ndani ya kipindi cha miezi miwili. Alikana mashtaka na kuachiliwa kwa dhamana ya pesa taslimu KES 200k au bondi mbadala ya KES 500,000.
Source;Ntv Kenya
