Serikali kupitia Wizara ya Afya chini ya waziri mwenye dhamana hio Ummy Mwalimu @ummymwalimu imesema imepokea kwa masikitiko makubwa taarifa ya kifo cha Dkt. Isack Sima aliyekuwa Mganga Mfawidhi wa Kituo cha Afya Nyangoto, kilichopo Wilaya ya Tarime Vijijini, Mkoa wa Mara ambaye inadaiwa ameuawa tarehe 03 May, 2023 kwa kukatwakatwa na mapanga na Watu wasiojulikana wakati akirejea nyumbani kwake akitokea kazini.
Waziri Ummy amelaani vikali kitendo hicho cha mauaji ya Mwanataaluma ya Udaktari ambacho hakikubaliki katika Jamii ambapo ametoa pole nyingi kwa Ndugu, Jamaa, Marafiki, Watumishi wote wa Sekta ya Afya Tarime, na Wanataaluma Nchini kwa ujumla na Watu wote walioguswa kutokana na mauaji haya.
Ummy amenukuliwa akisema “Tunaamini Vyombo vya Dola vitafanikisha kupatikana kwa Wahusika waliofanya kitendo hiki”
