Umoja wa Ulaya EU na Kenya zimehitimisha leo mazungumzo kuhusu mkataba kabambe wa kibiashara ambapo watatekeleza kwa pande mbili Mkataba wa Kikanda wa Ushirikiano wa Kiuchumi (EPA) kati ya EU na Jumuiya ya Afrika Mashariki (EAC).
Makubaliano hayo, ambayo yataleta msukumo muhimu kwa biashara ya bidhaa, yana vipengele muhimu vya maendeleo na ushirikiano na ni makubaliano ya kwanza na yenye matarajio makubwa zaidi ya kibiashara na nchi inayoendelea kuwa na ahadi kali juu ya uendelevu.
EU ni mshirika mkubwa wa pili wa kibiashara wa Kenya, na soko kuu la nje la Kenya. Jumla ya biashara kati ya EU na Kenya ilifikia Euro bilioni 3.3 mwaka wa 2022, na ongezeko la 27% ikilinganishwa na 2018.
Uagizaji wa EU kutoka Kenya ni Euro bilioni 1.2 na ni mboga, matunda na maua. Mauzo ya EU kwenda Kenya yanafikia €2.02 bilioni na ni bidhaa za madini, bidhaa za kemikali, na mashine. EU ni kituo cha kwanza cha mauzo ya nje kwa Kenya, ikiwa na 16% ya jumla ya mauzo yake katika 2022, ikifuatiwa na Uganda (12%) na Marekani (8%).
Kenya inatuma bidhaa zake za kilimo kama vile chai na kahawa maarufu nchini humo na asilimia 70 ya maua yake kwa nchi za kigeni.
Waziri wa Biashara Moses Kuria aliitaja hatua hiyo kuwa “wakati wa fahari” kwa nchi, baada ya kutia saini Mkataba wa Ushirikiano wa Kiuchumi wa EU-Kenya (EPA) na Kamishna wa Biashara wa EU Valdis Dombrovskis.
EU ni mojawapo ya soko kubwa la Kenya na inauza takribani moja ya tano ya mauzo yake yote huko – inasheheni bidhaa nyingi za kilimo ikiwa ni pamoja na mboga mboga, maua , chai na kahawa.
Kenya pia inatarajiwa kupunguza vikwazo kwa bidhaa za Umoja wa Ulaya hatua kwa hatua.
Mkataba huu iliyotia saini Kenya, unafuatia majadiliano ya muda mrefu, ambapo tangu mwaka 2016 nchi wanachama za jumuiya ya Afrika Mashariki zilikataa kutia saini ushirikiano huu kwa kile zilisema utanufaisha zaidi Ulaya kuliko Afrika.
Source; EU
