Meneja wa Habari na Mawasiliano klabu ya Simba Ahmed Ally ametamba kuwa kauli mbiu ya “Ubaya Ubwela” inaakisi kile walichokusudia kukifanya katika michuano mbalimbali msimu huu wa 2024/25.
“Kikosi cha Simba SC kimeingia wiki ya pili katika pre-season inayoendelea Misri ambapo Kocha Mkuu wa klabu hio Fadlu Davies anaandaa timu ya kuwapa furaha Wanamsimbazi”
Ahmed ameeleza kuwa wiki moja ya mazoezi Misri imetosha kuwaonyesha ni aina gani ya timu watakuwa nayo msimu ujao huku akizitahadharisha timu pinzani kuwa watapaswa kuwa na heshima kubwa watakapokutana na Simba.
“Nikwambie kuna mambo ya kufurahisha huko Misri, safari hii tunasema ni Ubaya Ubwela na tunamaanisha.”
“Safari hii timu yetu imeenea kila idara, tuna vijana wadogo ambao bado damu inachemka.”
“Kocha wetu Fadlu Davies kazi yake imekuwa rahisi kwa sababu vijana wanaelewa kwa haraka maelekezo yake.”
“Mwanasimba ajiandae kupokea Simba Mpya, Simba ya kurejesha furaha ya makombe yetu yote.”
“Furaha itaanza kwenye SIMBA DAY halafu tunaelekea kutetea Ngao yetu ya Jamii. Nasema ni Ubaya, Ubwela.” amesema Ahmed Ally
Simba itakamilisha pre-season mwishoni mwa wiki ijayo kisha kikosi kurejea nchini tayari kwa shamra shamra za Simba Day.
Imeandikwa na; Maxmillian Kirima
#KonceptTvUpdates
